நடிகர் சூர்யா நடிக்கவுள்ள ‘வாடிவாசல்’ திரைப்படத்தை வெற்றிமாறன் இயக்கவுள்ளார். இப்படத்திற்கு ஜி.வி. பிரகாஷ் இசையமைக்கிறார். ஜல்லிக்கட்டை மையமாக கொண்டு உருவாகும் இப்படத்திற்காக, மாடுபிடி வீரர்களுடன் சூர்யா பயிற்சி மேற்கொண்ட வீடியோவை படக்குழு கடந்த ஆண்டு வெளியிட்டது. இதன் பின்னர், படப்பிடிப்பு விரைவில் தொடங்கும் என எதிர்பார்க்கப்பட்ட நிலையில், இதுவரை படப்பிடிப்பு தொடங்கவில்லை.
இந்நிலையில், படத்தின் அப்டேட்டாக ஜி.வி. பிரகாஷ் ஒரு தகவலை வெளியிட்டுள்ளார். அதன்படி, ‘வாடிவாசல்’ திரைப்படத்திற்கான இசை அமைப்புப் பணிகளை தொடங்கியதாக அவர் புகைப்படத்துடன் அறிவித்துள்ளார்.
இதேநேரத்தில், சூர்யா நடிப்பில் உருவாகியுள்ள ‘ரெட்ரோ’ திரைப்படம் மே 1-ம் தேதி திரையரங்குகளில் வெளியாக உள்ளது. அதன் பிறகு, ஆர்.ஜே. பாலாஜி இயக்கத்தில் உருவாகி வரும் ‘சூர்யா 45’ படப்பிடிப்பில் அவர் பங்கேற்று வருகிறார். இதன் படப்பிடிப்பு முடிந்தவுடன், ‘வாடிவாசல்’ படப்பிடிப்பில் சூர்யா பங்கேற்பார் என எதிர்பார்க்கப்படுகிறது.
