மகிழ் திருமேனி இயக்கும் ‘விடாமுயற்சி’-ஐ தொடர்ந்து ஆதிக் ரவிச்சந்திரன் இயக்கி வரும் ‘குட் பேட் அக்லி’ படத்தில் தற்போது அஜித் குமார் நடித்து வருகிறார். இந்த இரண்டு படங்களிலும் ஸ்டண்ட் மாஸ்டராக சுப்ரீம் சுந்தர் பணிபுரிந்து வருகிறார்.
சமீபத்தில் ஒரு பேட்டியில், சுப்ரீம் சுந்தர், ‘விடாமுயற்சி’ படத்தின் படப்பிடிப்பு இடம் மற்றும் சூழலால் சில மாதங்களுக்கு படப்பிடிப்பு தாமதப்படுத்தப்பட்டது. அஜித்தின் வேடத்தை மகிழ் திருமேனி புதிய முறையில் வடிவமைத்துள்ளார். கதையிலும், ஆக்ஷனிலும் எந்தவித மாற்றமும் இல்லாமல் கடினமாக பணியாற்றியுள்ளார். நிஜ விபத்தையும் படத்தின் ஆக்ஷன் காட்சியாக மாறியுள்ளோம் என்றார்.
‘குட் பேட் அக்லி’ குறித்து அவர் மேலும் தெரிவித்ததாவது, இது அஜித்தின் கேரியரில் ஒரு வித்தியாசமான கமர்ஷியல் படமாக இருக்கும். பில்லா படத்திற்குப் பிறகு புதிய ஸ்டைலிஷ் தோற்றத்தில் அஜித்தை பார்க்கலாம். இதில் அதிகமான ஆக்ஷன் காட்சிகளும் உள்ளதாக கூறினார்.
