ஆதிக் ரவிச்சந்திரன் இயக்கத்தில் அஜித் நடித்துள்ள ‘குட் பேட் அக்லி’ என்ற திரைப்படம் உருவாகியுள்ளது. இந்த படத்தை மைத்ரி மூவி மேக்கர்ஸ் நிறுவனம் தயாரித்துள்ளது. இசையமைப்பாளர் ஜி.வி. பிரகாஷ் இந்த திரைப்படத்திற்கு இசையமைத்துள்ளார். இப்படத்தில் திரிஷா, பிரசன்னா, ரெடின் கிங்ஸ்லி, பிரபு, பிரியா வாரியர், சிம்ரன், ஜாக்கி ஷரோப் ஆகியோர் முக்கிய கதாபாத்திரங்களில் நடித்துள்ளனர். மேலும், நடிகர் அர்ஜுன் தாஸ் இப்படத்தில் வில்லன் கதாபாத்திரத்தில் நடித்துள்ளார்.
இந்த படம் இன்று திரையிடப்பட்டுள்ளது. தமிழகத்தில் காலை 9 மணிக்கு முதல் காட்சி துவங்கியது. வழக்கம்போல் அஜித் ரசிகர்கள் திரையரங்க வளாகத்தில் பேனர்கள் வைத்தும், கேக் வெட்டியும், மேளதாள இசையுடன் அதிகாலையிலேயே உற்சாகமாக கொண்டாடி வந்தனர்.
இவ்வாறான சூழ்நிலையில், முதல் காட்சி முடிந்த சில நேரங்களில் முழு திரைப்படமும் இணையத்தில் வெளியாகியிருப்பது படக்குழுவினரை அதிர்ச்சிக்குள்ளாக்கியுள்ளது.
