அர்ஜூன் – ஐஸ்வர்யா ராஜேஷ் நடிப்பில் உருவாகியுள்ள ‘தீயவர் குலை நடுங்க’ பட ஃபர்ஸ்ட் சிங்கிள் அப்டேட்!

நடிகை ஐஷ்வர்யா ராஜேஷ் சமீபத்தில் நடித்த “சுழல் 2” வெப் தொடர் மக்களிடையே நல்ல வரவேற்பைப் பெற்றது. இதனைத் தொடர்ந்து, அவர் அடுத்ததாக “தீயவர் குலை நடுங்க” என்ற திரைப்படத்தில் நடித்துள்ளார். இந்தப் படத்தை அறிமுக இயக்குநரான தினேஷ் லக்ஷ்மனன் இயக்கியுள்ளார்.

“தீயவர் குலை நடுங்க” திரைப்படத்தின் முதல் பாடலான “அந்திபேர அழகலியே” நாளை வெளியாகும் என படக்குழுவினர் அறிவித்துள்ளனர். இப்பாடலை இசையமைப்பாளர் சந்தோஷ் நாராயணன் வெளியிடுகிறார். இப்படத்தில் ஐஷ்வர்யா ராஜேஷ்க்கு இணையாக அர்ஜுன், ராம்குமார் சிவாஜி, ஜிகே ரெட்டி, பிரவீன் ராஜா, பிராங்ஸ்டர் ராகுல், தங்கதுரை ஆகியோர் முக்கிய கதாபாத்திரங்களில் நடித்துள்ளனர்.

இந்தப் படத்தை ஜி. அருள் குமார் தயாரித்துள்ளார் என்பது குறிப்பிடத்தக்கது. மேலும், திரைப்படம் விரைவில் திரையரங்குகளில் வெளியாகும் என எதிர்பார்க்கப்படுகிறது.