நடிகர் சூர்யாவின் 44-வது படம் “ரெட்ரோ”, இயக்குனர் கார்த்திக் சுப்பராஜ் இயக்கத்தில் உருவாகியுள்ளது. சூர்யாவின் 2D எண்டர்டெயின்மென்ட் மற்றும் கார்த்திக் சுப்பராஜின் ஸ்டோன் பென்ச் நிறுவனம் இணைந்து தயாரித்துள்ள இந்தப் படத்திற்கு சந்தோஷ் நாராயணன் இசையமைத்துள்ளார்.
பூஜா ஹெக்டே இப்படத்தில் கதாநாயகியாக நடித்துள்ளார். மேலும், ஜெயராம், கருணாகரன், ஜோஜு ஜார்ஜ், சுஜித் ஷங்கர் உள்ளிட்ட பலர் முக்கிய கதாபாத்திரங்களில் நடித்துள்ளனர். இப்படம் மே 1-ஆம் தேதி தொழிலாளர் தினத்தன்று வெளியாவதாக அறிவிக்கப்பட்டுள்ளது.
முன்னதாக, டீசர் மற்றும் முதல் பாடல் வெளியாகி, ரசிகர்கள் மத்தியில் நல்ல வரவேற்பைப் பெற்றது. இதைத் தொடர்ந்து, படப்பிடிப்பு காட்சிகள் காமிக்ஸ் வடிவில் வெளியிடப்பட்டு, சமூக வலைத்தளங்களில் வைரலாகி வருகின்றன.சமீபத்தில், “கண்ணாடி பூவே” என்ற முதல் பாடல் வெளியாகி நல்ல வரவேற்பைப் பெற்றது. இதைத் தொடர்ந்து, இரண்டாவது பாடல் வருகிற மார்ச் 21-ஆம் தேதி வெளியாகும் என்று அறிவிக்கப்பட்டுள்ளது. இதற்கான அதிகாரப்பூர்வ அறிவிப்பை இயக்குனர் கார்த்திக் சுப்பராஜ் வெளியிட்டுள்ளார்.