மறைந்த நடிகர் முரளியின் இரண்டாவது மகனும், நடிகர் அதர்வாவின் தம்பியுமான ஆகாஷ் முரளியின் அறிமுகப்படமாகும் படம் “நேசிப்பாயா.” இப்படத்தை ஆகாஷின் மைத்துனர் சினேகாவின் தந்தை பிரிட்டோ தயாரிக்கிறார், மேலும் விஷ்ணுவர்தன் இயக்குகிறார், யுவன் சங்கர் ராஜா இசையமைக்கிறார். இதில் சரத்குமார், பிரபு, குஷ்பு உள்ளிட்ட பலரும் நடித்துள்ளனர்.
இந்த படத்தின் மூலம் முன்னணி பாலிவுட் நடிகையான கல்கி கோச்லின் தமிழுக்கு வருகிறார். இதுகுறித்து இயக்குநர் விஷ்ணுவர்தன் கூறும்போது, “நேசிப்பாயா ஒரு காதல் கதையாக இருக்கும். 30 சதவிகித கதை சென்னையிலும், 70 சதவிகித கதை போர்ச்சுகலில் நடைபெறுகிறது. இப்படத்தில் போர்ச்சுகல் நாட்டைச் சேர்ந்த வழக்கறிஞர் கதாபாத்திரம் முக்கியமானதாக இருக்கும். இந்த கதாபாத்திரத்துக்காக கல்கி கோச்லினை மனதில் கொண்டு எழுதியேன், ஏனெனில் அவர் தமிழில் ஒரு தனித்துவமான ஸ்டைலுடன் பேசுவார், அதேசமயம் ஆங்கில அறிவும் உண்டு.
ஆனால், அவரை எப்படி அணுகுவது என்பது தெரியவில்லை. அவர் நயன்தாராவின் நெருங்கிய தோழி என்பதால், நயன்தாராவின் மூலம் கல்கியிடம் தொடர்பு கொண்டு கதை கூறினேன். அவருக்கு பிடித்திருந்ததால் உடனே நடிக்க ஒப்புக் கொண்டார். அவருடைய கதாபாத்திரம் படத்தில் முக்கிய திருப்பமாக இருக்கும். இந்த படத்தின் மூலம், அவர் தமிழ் சினிமாவில் தொடர்ச்சியாக நடிப்பார் என நம்புகிறேன்,” என்று கூறினார்.
