மும்பையைச் சேர்ந்த பாயல் கபாடியா இயக்கிய திரைப்படம் ‘ஆல் வி இமேஜின் அஸ் லைட்’ கடந்தாண்டு நவ. 22 ஆம் தேதி இந்தியா முழுவதும் வெளியானது. இப்படத்தில் கனி குஸ்ருதி, திவ்யா பிரபா, சாயா கதம், ஹ்ருது ஹாரூன் உள்ளிட்டோர் நடித்திருந்தனர்.பெண்களின் காதலையும் தனிமையையும் அவர்களின் பொருளாதார நிலையுடன் ஒப்பிட்டு பெண்ணுக்குத் தேவையான சுதந்திர மனநிலையை மையமாக வைத்து இந்தோ -பிரெஞ்சு கூட்டுத் தயாரிப்பாக உருவான இப்படம் பிரான்ஸில் நடைபெற்ற 77-வது கேன்ஸ் திரைப்பட விழாவில் திரையிடப்பட்டு உயரிய விருதான கிராண்ட் பிரிக்ஸ் விருதை வென்றது.இந்திய இயக்குநர் ஒருவர் சர்வதேச அளவில் பல பரிந்துரைகளுக்குச் சென்றதால் பயால் கபாடியாவைக் கௌரவிக்கும் விதமாக 2025 கேன்ஸ் திரைப்பட விழாவில் இயக்குனர் பாயல் கபாடியா நடுவர் குழு உறுப்பினராகத் தேர்ந்தெடுத்துள்ளனர்.இந்த விழாவிற்கு உலகம் முழுவதுமிருந்து ஜூரிகள் தேர்ந்தெடுக்கப்படுவது வழக்கம். இம்முறை, பிரெஞ்சு நடிகை ஜூலியட் பினோஜ் தலைமையில் நடிகர் ஜெர்மி ஸ்ட்ராங்க், நடிகை ஹாலே பெரி, தென்கொரிய இயக்குநர் ஹாங் சன்சூ உள்ளிட்டோருடன் பாயல் கபாடியாவும் நடுவராகிறார். இது பெரிய அங்கீகாரமாகக் கருதப்படுகிறது.
