‘திரௌபதி 2′ படத்தின் ஃபர்ஸ்ட் லுக் போஸ்டர்-ஐ வெளியிட்ட இயக்குனர் மோகன் ஜி!

2016 ஆம் ஆண்டு வெளியான ‘வண்ணாரபேட்டை’ படத்தை இயக்கி தமிழ் சினிமாவில் அறிமுகமானவர் மோகன் ஜி. அதனைத் தொடர்ந்து 2020 ஆம் ஆண்டு ‘திரௌபதி’ படத்தை இயக்கினார். இப்படம் குறிப்பிட்ட சமூகத்தை விமர்சிப்பதாக எதிர்ப்புகள் எழுந்திருந்தாலும், மக்கள் மத்தியில் நல்ல வரவேற்பு பெற்று வெற்றிப் படமாக அமைந்தது. கடைசியாக செல்வராகவன் நடிப்பில் ‘பகாசூரன்’ திரைப்படத்தை இயக்கினார். இப்படம் மக்களிடையே கலவையான விமர்சனங்களை பெற்றது.

மோகன் ஜி அடுத்ததாக இயக்கும் ‘திரௌபதி 2’ படத்தின் அறிவிப்பு சில மாதங்களுக்கு முன் வெளியாகி இருந்தது. இதில் மீண்டும் ரிச்சர்ட் ரிஷி கதாநாயகனாக நடிக்கிறார். இப்படத்திற்கு இசையமைப்பாளர் ஜிப்ரான் இசையமைக்கிறார்.

இந்நிலையில், தற்போது படக்குழுவினர் ‘திரௌபதி 2’ படத்தின் பர்ஸ்ட் லுக் போஸ்டரை வெளியிட்டுள்ளனர்.