அமரன் படத்துக்கு பாராட்டு தெரிவித்த முதல்-அமைச்சர் மு.க.ஸ்டாலின் அவர்களுக்கு நடிகர் சிவகார்த்திகேயன் நன்றி தெரிவித்தார். இது தொடர்பாக ‘எக்ஸ்’ தளத்தில் அவர் வெளியிட்ட பதிவில், “தங்களின் நேரத்தை ஒதுக்கி ‘அமரன்’ படத்தை பார்த்து எங்கள் அனைவரின் உழைப்பையும் பாராட்டிய முதல்வர் மு.க.ஸ்டாலின் அவர்களுக்கும், துணை முதல்-அமைச்சர் உதயநிதி ஸ்டாலின் அவர்களுக்கும் எனது மனமார்ந்த நன்றிகள். அரசு அதிகாரியின் மகனான எனக்கு இந்த நிகழ்வு மறக்க முடியாதது” என்று குறிப்பிட்டார்.
இதே பதிவில் ‘அமரன்’ படத்தை பாராட்டிய முதல்வர் மு.க.ஸ்டாலின் அவர்களுக்கு படத்தின் தயாரிப்பாளர் கமல்ஹாசனும் நன்றி தெரிவித்துள்ளார்.
இது தொடர்பாக அவர் தனது எக்ஸ் தளத்தில் கூறியிருப்பது: எங்களது அழைப்பை ஏற்று ‘அமரன்’ படத்தை ரசித்ததோடு, அதில் பங்கேற்ற கலைஞர்களையும் மனமார பாராட்டிய நமது முதல்வரும், என் அன்பிற்கினிய நண்பருமான மு.க.ஸ்டாலினுக்கும், துணை முதல்வரும், என் அன்பு இளையவருமான உதயநிதி ஸ்டாலினுக்கும் எங்களது மனமார்ந்த நன்றி. முதலமைச்சரின் பாராட்டு ‘அமரனின்’ பெரும் வெற்றிக்கு ஒரு அடையாளமாக உள்ளது” என்று தெரிவித்துள்ளார்.
