‘ராயன்’ படத்திற்குப் பிறகு, தனுஷ் இயக்கி நடித்து வரும் புதிய படம் ‘இட்லி கடை’. இந்த படத்தில் தனுஷுடன் அருண் விஜய், நித்யா மேனன், சத்யராஜ் உள்ளிட்டோர் முக்கிய கதாபாத்திரங்களில் நடித்துள்ளனர். இப்படம் அடுத்த ஆண்டு ஏப்ரல் 10ம் தேதி திரைக்கு வர உள்ளது என்று ஒரு போஸ்டர் மூலம் அதிகாரப்பூர்வமாக அறிவிக்கப்பட்டுள்ளது.
அதேபோல், கார்த்திக் சுப்பராஜ் இயக்கத்தில் சூர்யா நடித்துள்ள அவரது 44வது படமும் 2025ஆம் ஆண்டு ஏப்ரல் 10ம் தேதி, தமிழ் புத்தாண்டு தினத்தில் வெளியிட திட்டமிடப்பட்டுள்ளதாக கூறப்படுகிறது. இதனால், சூர்யாவும் தனுஷும் ஒரே நாளில் நேரடியாக மோதவுள்ளதாக தகவல்கள் உலாவரும் நிலையில் இப்படங்களின் மீதான எதிர்பார்ப்பு அதிகரித்துள்ளது.
அதுமட்டுமின்றி நடிகர் தனுஷ் இளம் நடிகர்களை வைத்து நிலவுக்கு என்மேல் என்னடி கோபம் படத்தை இயக்கியுள்ளார். தற்போது அமரன் என்ற மிகப்பெரிய வெற்றி படத்தை கொடுத்த ராஜ்குமார் பெரியசாமி இயக்கத்தில் நடிக்கவுள்ளார். இதற்கான படப்பிடிப்பு இன்று பூஜையுடன் தொடங்கியுள்ளது. அடுத்தடுத்து தனுஷ் பிசியாக வலம் வரும் நிலையில் சூர்யா 44 படமும் இட்லி கடை படமும் மோதினால் ராசிகளுக்கு மிகப்பெரிய கொண்டாட்டம் தான்.
