சிவகார்த்திகேயனின் அடுத்த படத்தில் இணையும் அமரன் படத்தின் ஒளிப்பதிவாளர்… வெளியான அப்டேட்!

டான்” படத்தின் வெற்றியைத் தொடர்ந்து, இயக்குனர் சிபி சக்கரவர்த்தி தனது அடுத்த படத்திற்காக ரஜினி, நானி போன்ற முன்னணி நடிகர்களுடன் பேச்சுவார்த்தை நடத்தி வந்தார். ஆனால் இதுவரை எந்தத் திட்டமும் அடுத்த கட்டத்துக்குச் செல்லவில்லை.

இதனால் சிபி சக்கரவர்த்தி மீண்டும் சிவகார்த்திகேயனுடன் இணைந்து புதிய படத்தை இயக்க திட்டமிட்டுள்ளார். பேஷன் ஸ்டுடியோஸ் தயாரிக்கும் இப்படம் சிவகார்த்திகேயனின் 24வது படமாக உருவாகிறது. இதற்கான முன் தயாரிப்பு பணிகள் தற்போது நடைமுறையில் உள்ளன.

இந்த நிலையில், இந்த படத்திற்கு ஒளிப்பதிவாளராக அமரன் படத்தில் பணியாற்றிய சாய் என்பவர் இணைந்துள்ளார் என்கிறார்கள். அமரன் படத்தில் இவர் செய்த ஒளிப்பதிவு அனைவரிடமும் சிறப்பான வரவேற்பைப் பெற்றது குறிப்பிடத்தக்கது.