பிரபல திரைப்பட நடிகையுமான மற்றும் நாக சைதன்யாவின் மனைவியான சோபிதா துலிபலா, தனது தோழியின் திருமண விழாவில் கலந்துகொள்வதற்காக தமிழ்நாட்டிற்கு வந்துள்ளார். இங்கு வந்தபோது, அவர் வேளாங்கண்ணி மாதா கோயிலுக்கு சென்றதுடன், நாகூர் தர்காவிலும் வழிபாடுகளில் ஈடுபட்டார். மேலும் குரு பௌர்ணமி நன்னாளில் வழிபாடுகளை நடத்தினார். இந்த அனுபவங்களின் புகைப்படங்களை அவர் சமூக வலைதளத்தில் பகிர்ந்து, “தமிழ்நாடு தி பியுட்டி” என குறிப்பிட்டு, “சமீபத்திய வாழ்க்கை” என்ற தலைப்பில் பதிவிட்டுள்ளார்.
‘பொன்னியின் செல்வன்’ திரைப்படத்திற்குப் பிறகு சோபிதா துலிபலா தமிழ்த் திரைப்படங்களில் எந்தவொரு படத்திலும் நடிக்கவில்லை. இவரும் தெலுங்குத் திரைப்பட நடிகரான நாக சைதன்யாவும் காதலிப்பதாக பல்வேறு செய்திகள் வெளியான நிலையில், கடந்த ஆண்டு நாக சைதன்யாவும் சோபிதாவும் திருமணம் செய்து கொண்டார்கள்.
திருமணத்திற்குப் பிந்தைய காலத்தில் சோபிதா துலிபலா எந்தவொரு திரைப்படத்திலும் நடிக்கவில்லை எனக் கூறப்படுகிறது. இதனால், அவர் சினிமாவில் இருந்து விலகி கொண்டாரா அல்லது அவருக்கு ஏற்ற வாய்ப்புகள் கிடைக்கவில்லையா என ரசிகர்கள் சமூக வலைதளங்களில் கேள்விகளை எழுப்பி வருகின்றனர்.
