தமிழ் சினிமாவில் இயக்குநராகவும் நடிகராகவும் வலம் வரும் தனுஷ், இயக்குநராக தனது நான்காவது படமாக ‘இட்லி கடை’யை உருவாக்கியுள்ளார். தனுஷே இயக்கி நடித்துள்ள இந்தப் படத்திற்கு ஜி.வி. பிரகாஷ் இசையமைத்துள்ளார். டான் பிக்சர்ஸ் நிறுவனம் தயாரித்த இந்தப் படத்தில் ராஜ்கிரண், நித்யா மேனன், அருண் விஜய், சத்யராஜ், பார்த்திபன் உள்ளிட்ட பலரும் முக்கிய கதாபாத்திரங்களில் நடித்துள்ளனர்.
எவ்வாறு இருக்கும் இப்படத்தின் கதைக்களம் என்பது குறித்து ரசிகர்களிடம் பெரும் எதிர்பார்ப்பு நிலவி வருகிறது. இதில் அருண் விஜய் வில்லன் கதாபாத்திரத்தில் நடித்துள்ளார். இப்படம் வரும் அக்டோபர் 1 ஆம் தேதி வெளியாக உள்ளது. இதற்கான இசை வெளியீட்டு விழா நாளை சென்னை நேரு மைதானத்தில் நடைபெறும் என்று படக்குழுவினர் அறிவித்துள்ளனர்.
இந்நிலையில், ‘இட்லி கடை’ படத்தில் நடித்துள்ள கதாபாத்திரங்களின் போஸ்டர்களை படக்குழுவினர் தொடர்ந்து வெளியிட்டு வருகின்றனர். அந்த வகையில் சமீபத்தில் நடிகை ஷாலினி பாண்டேவின் கதாபாத்திர அறிமுகப் போஸ்டர் வெளியிடப்பட்டது. அதில், அவர் ‘மீரா’ என்ற கதாபாத்திரத்தில் நடித்திருப்பதாக படக்குழுவினர் தெரிவித்துள்ள
