புஷ்பா-2 படத்தின் பின்பு, ராஷ்மிகா மந்தனா ஹிந்தியில் சாவா, சிக்கந்தர், தமா மற்றும் தெலுங்கில் குபேரா, தி கேர்ள் பிரண்ட் போன்ற படங்களில் நடித்து வருகிறார். விக்கி கவுசலுடன் அவர் நடித்துள்ள சாவா என்ற ஹிந்தி படம் வருகிற பிப்ரவரி 14ஆம் தேதி காதலர் தினத்தன்று வெளியாக உள்ளது. லக்ஷ்மன் உடேகர் இயக்கிய இந்த படத்திற்கு ஏ.ஆர்.ரஹ்மான் இசையமைத்துள்ளார்.
மராட்டிய மன்னன் சாம்பாஜியின் வாழ்க்கை வரலாற்றை மையமாக கொண்டு உருவாக்கப்பட்ட இந்த படத்தில், விக்கி கவுசல் மகாராஜா சாம்பாஜியாக நடிக்க, மகாராணி எசுபாய் கதாபாத்திரத்தில் ராஷ்மிகா மந்தனா நடித்துள்ளார். அவருடைய இரண்டு போஸ்டர்களும் வெளியிடப்பட்டுள்ளன. அவற்றில், ஒரே போஸ்டரில், கழுத்து நிறைந்த நகை அலங்காரத்துடன் பட்டு புடவை அணிந்தும் சிரித்த முகத்துடன் காட்சியளிக்கும் ராஷ்மிகா, மற்றொரு போஸ்டரில் கோபத்துடன் நிற்பது போன்ற காட்சி இடம் பெற்றுள்ளது.
சமீபத்தில் ஜிம்மில் ஒர்க்கவுட் செய்தபோது காலில் அடிபட்ட ராஷ்மிகா சிகிச்சை பெற்று வருகிறார். நேற்று, பெங்களூரு விமான நிலையத்திற்கு வந்த அவர், காரிலிருந்து இறங்கி தடுமாறி நடந்து வீல் சேரில் அமர்ந்தார். இதுகுறித்த வீடியோ தற்போது வைரலாகி வருகிறது. இந்த வீடியோ பார்த்த ரசிகர்கள் சோகம் அடைந்தது மட்டுமின்றி விரைவில் அவர் நலம்பெற வேண்டியுள்ளனர்.
