தென்னிந்திய திரையுலகின் முன்னணி நடிகைகளில் ஒருவரான பூஜா ஹெக்டே, தமிழில் ‘முகமூடி’, ‘பீஸ்ட்’, ‘ரெட்ரோ’ ஆகிய படங்களில் நடித்து கவனம் பெற்றவர். தற்போது விஜய் நடித்துள்ள ‘ஜனநாயகன்’ படத்தில் கதாநாயகியாக நடித்துள்ளார்.
எச். வினோத் இயக்கியுள்ள இந்த படம் 2026ஆம் ஆண்டு பொங்கல் பண்டிகையில் வெளியாக உள்ளது. இதில் பிரியாமணி, பாபி தியோல், மமிதா பைஜு உள்ளிட்டோர் முக்கிய கதாபாத்திரங்களில் நடித்துள்ளனர்.
இந்நிலையில், இன்று நடிகை பூஜா ஹெக்டே தனது 35வது பிறந்தநாளை கொண்டாடுகிறார். அவருக்கு திரைப்பிரபலங்களும் ரசிகர்களும் சமூக ஊடகங்களில் வாழ்த்துகளை தெரிவித்து வருகின்றனர். அதில், ‘ஜனநாயகன்’ படக்குழுவும் அவருக்கு பிறந்தநாள் வாழ்த்து தெரிவித்து, பூஜா ஹெக்டேவின் கதாபாத்திர அறிமுக போஸ்டரை வெளியிட்டுள்ளது. அதில், அவர் ‘கயல்’ என்ற கதாபாத்திரத்தில் நடிக்கிறார் என குறிப்பிடப்பட்டுள்ளது.
