ஸ்ரீலீலா கதாநாயகியாக நடித்துள்ள திரைப்படம் ‘ராபின்ஹுட்’. இதில் நிதின் கதாநாயகனாக நடித்துள்ளார். இப்படத்தை வெங்கி குடுமுலா எழுதி இயக்கியுள்ளார். மேலும், ராஜேந்திர பிரசாத், ஷைன் டாம் சாக்கோ, வெண்ணேலா கிஷோர், மைம் கோபி உள்ளிட்ட பலர் முக்கிய கதாபாத்திரங்களில் நடித்துள்ளனர். இப்படம் வரும் 28-ம் தேதி திரையரங்குகளில் வெளியாக உள்ளது.
ஜி.வி. பிரகாஷ் இசையமைத்துள்ள இப்படத்தின் முதல் பாடல் ‘ஒன் மோர் டைம்’ மற்றும் இரண்டாவது பாடல் ‘வாட்டெவர் யூ கோ’ சமீபத்தில் வெளியானது. இந்த பாடல்கள் ரசிகர்களிடையே வெகுவாக வைரலானது.
இந்நிலையில், இப்படத்தின் மூன்றாவது பாடல் குறித்து புதிய அறிவிப்பு வெளியிடப்பட்டுள்ளது. அதன்படி, ‘அதிதா சர்ப்ரைஸ்’ என பெயரிடப்பட்டுள்ள இந்த சிறப்பு பாடல் வரும் 10-ம் தேதி வெளியாக உள்ளது. இந்த பாடலில் பிரபல நடிகை கெட்டிகா ஷர்மா கிளாமர் நடனமாடியுள்ளார்.