விஜய் தேவரகொண்டா தனது தனித்துவமான நடிப்புத்திறமையால், தெலுங்கு திரையுலகின் முன்னணி நடிகராக உயர்ந்துள்ளார். தற்போது அவர் ‘VD 12’ என தற்காலிகமாக பெயரிடப்பட்டுள்ள ஒரு புதிய ஆக்ஷன் திரைப்படத்தில் நடித்துள்ளார். இந்தப் படத்தை கௌதம் தின்னனுரி இயக்கியுள்ளார், மேலும் இசையமைப்பாளராக அனிருத் பணியாற்றியுள்ளார். இப்படத்தின் தயாரிப்பாளர் ஸ்ரீ காரா ஸ்டுடியோஸ் ஆகும்.
கௌதம் தின்னனுரி இதற்கு முன்பு இயக்கிய ‘ஜெர்ஸி’ மற்றும் ‘மல்லி ராவா’ ஆகிய படங்கள் விமர்சகர்களால் பாராட்டப்பட்டதோடு, தேசிய விருதையும் பெற்றுள்ளன.
‘VD 12’ ஒரு அதிரடி ஆக்ஷன் என்டர்டெய்னராக உருவாகியுள்ளது. இப்படத்தின் முதல் டீசர் பிப்ரவரி 12ம் தேதி வெளியாகவுள்ளது. இதில் ஒரு தனிப்பெருமை என்னவெனில், தமிழ் டீசரில் நடிகர் சூர்யா தனது குரலை மூலம் டப்பிங் கொடுத்துள்ளார். இதனால், இந்த தகவல் சமூக வலைதளங்களில் வைரலாக பரவி, படத்திற்கான எதிர்பார்ப்பை பலமடங்காக அதிகரித்துள்ளது.
