சூப்பர் ஸ்டார் ரஜினிகாந்த்-ஐ சந்தித்த நடிகர் ராகவா லாரன்ஸ் நெகிழ்ச்சி பதிவு!

சூப்பர் ஸ்டார் ரஜினிகாந்தை நேரில் சந்தித்து ஆசி பெற்றதாக நடிகர் ராகவா லாரன்ஸ் தெரிவித்துள்ளார்.

சமீபத்தில் சூப்பர் ஸ்டார் ரஜினிகாந்த்-ஐ சந்தித்து அவருடன் எடுத்துக்கொண்ட புகைப்படங்களை தனது எக்ஸ் தள பக்கத்தில் பகிர்ந்துள்ள அவர், சில மாதங்களுக்கு பிறகு இன்று தலைவருடன் தரமான நேரத்தைச் செலவிட்டதில் மிகவும் மகிழ்ச்சி அடைகிறேன். 

அதேபோல் அவருடன் பகிர்ந்து கொள்ளக் கிடைக்கும் ஒவ்வொரு தருணத்தையும் நான் உண்மையிலேயே போற்றுகிறேன்,” என்று நடிகர் ராகவா லாரன்ஸ் நெகிழ்ச்சியாக குறிப்பிட்டுள்ளார். தற்போது நடிகர் ராகவா லாரன்ஸ் காஞ்சனா 4 மற்றும் பென்ஸ் திரைப்படங்களில் நடித்து வருகிறார் என்பது குறிப்பிடத்தக்கது.