நடிகர் மம்முட்டி, மோகன்லால், பஹத் பாசில், நயன்தாரா ஆகியோருடன் ‘பேட்ரியாட்’ என்ற படத்தில் நடிக்கிறார். இப்படத்தின் சில காட்சிகள் கேரளா மற்றும் இலங்கையில் படமாக்கப்பட்டு முடிந்துள்ளன.
மம்முட்டி உடல்நலப் பிரச்சினை காரணமாக கடந்த சில மாதங்களாக ஓய்வெடுத்துவந்த நிலையில் அவர் இல்லாமலேயே படப்பிடிப்பு நடைபெற்று வந்தது. இந்நிலையில் இரண்டு வாரங்களுக்கு முன்பு அவர் நலம்பெற்று, ஹைதராபாத்தில் நடந்த படப்பிடிப்பில் கலந்து கொண்டார். அந்த ஷெட்யூல் முடிந்த நிலையில், தற்போது லண்டனில் அடுத்த கட்ட முக்கியமான காட்சிகள் படமாக்கப்படவிருக்கின்றன.
லண்டனில் படமாக்கப்படும் காட்சிகள் மிக முக்கியமானவை என கூறப்படுகிறது. இதற்காக மம்முட்டி சென்னை விமான நிலையத்தில் இருந்து துபாய் வழியாக லண்டன் புறப்பட்டார். அவரை விமான நிலையத்துக்கு வருகை தந்த அவரது மகனும் நடிகருமான துல்கர் சல்மான் வழியனுப்பி வைத்தார்.
