நடிகர் சூர்யா நடித்த அஞ்சான் திரைப்படம் 2014ஆம் ஆண்டு வெளியானது. இந்த படத்தை இயக்குநர் லிங்குசாமி இயக்கியிருந்தார். படத்தினை ‘திருப்பதி பிரதர்ஸ்’ நிறுவனம் தயாரித்தது. இதில் சமந்தா கதாநாயகியாக நடித்திருந்தார். மேலும் வித்யூத் ஜம்வால், சூரி, மனோஜ் பாஜ்பாய் உள்ளிட்ட பலரும் முக்கிய கதாபாத்திரத்தில் நடித்திருந்தனர்.
இப்படத்திற்கான இசையை யுவன் ஷங்கர் ராஜா அமைத்திருந்தார். கமர்ஷியலாக வெளியான அஞ்சான் ரசிகர்களிடையே நல்ல வரவேற்பைப் பெற்றது. இப்படம் வெளியாகி 11ஆண்டுகள் ஆகும் நிலையில், இந்த படத்தை மீண்டும் வெளியிட படக்குழு முடிவு செய்துள்ளது.
ரீ-எடிட் செய்யப்பட்ட அஞ்சான் திரைப்படம் வரும் 28ஆம் தேதி திரையரங்குகளில் வெளியாகவுள்ளதாக தயாரிப்பு நிறுவனம் சமீபத்தில் அறிவித்திருந்தது. இதற்கிடையில், ரீ-எடிட் செய்யப்பட்ட அஞ்சான் படத்தின் புதிய ட்ரெய்லரை படக்குழு தற்போது வெளியிட்டுள்ளது.
