நகைச்சுவை கதாபாத்திரங்களுக்குப் பெயர் பெற்ற தெலுங்கு நடிகர் அல்லரி நரேஷ் தற்போது 12எ ரெயில்வே காலனி என்ற திரில்லர் படத்தில் நடித்துள்ளார். இந்த படத்தை நானி காசர்கட்டா இயக்குகிறார் .
இந்நிலையில், அல்லரி நரேஷ் ஒரு சுவாரஸ்யமான கருத்தை பகிர்ந்து கவனத்தை ஈர்த்துள்ளார். வெற்றிகளை விட தோல்விகளையே தான் அதிகம் சந்தித்திருக்கிறேன் என்றும், வாழ்க்கையில் உயர்வும் தாழ்வும் இரண்டையும் அனுபவித்ததாகவும் கூறினார். மேலும், அந்த தோல்விகளே பல விஷயங்களில் கற்றுக்கொடுத்து சிறந்த நடிகராக மாற்றியமைத்துள்ளதாக தெரிவித்துள்ளார்.
இந்த படத்தில் காமக்சி பாஸ்கர்லா, சாய் குமார், விவா ஹர்ஷா, கெட்அப் ஸ்ரீனு, சதாம், ஜீவன் குமார், ககன் விஹாரி, அனிஷ் குருவில்லா, மதுமணி உள்ளிட்ட பலர் முக்கிய கதாபாத்திரங்களில் நடித்துள்ளனர். ஸ்ரீனிவாசா சில்வர் ஸ்கிரீன் பேனரில் ஸ்ரீனிவாசா சித்தூரி இந்தப்படத்தை தயாரித்துள்ளார். பீம்ஸ் செசிரோலியோ இசையமைத்துள்ளார். இப்படம் இன்று திரையரங்குகளில் வெளியாகியுள்ளது.
