ஆக்ஷனும் அமானுஷ்யமும் கலந்த பரபரப்பான திரைப்படமாக உருவாகும் ‘கரிகாடன்’ !

ரித்தி என்டர்டெயின்மென்ட்ஸ் சார்பில் தீப்தி தாமோதர் தயாரிக்கும் ‘கரிகாடன்’ படம் கன்னடம், தமிழ், தெலுங்கு, மலையாளம், ஹிந்தி என ஐந்து மொழிகளில் பான்–இந்தியா திரைப்படமாக உருவாகி வருகிறது.

இந்த படத்தில் காடா நடராஜ், நிரிக்ஷா ஷெட்டி, ரித்தி, மஞ்சு சுவாமி, யஷ் ஷெட்டி, கோவிந்த கவுடா, திவாகர், கிலாடி சூர்யா, டி. ராகேஷ் பூஜாரி, விஜய் சந்தூர், சந்திரபிரபா, கரிசுப்பு, கிரி, பாலராஜாவாடி, மாஸ்டர் ஆர்யன் உள்ளிட்ட பலர் நடித்துள்ளனர்.

கில்லி வெங்கடேஷ் இயக்கியுள்ள இந்த படத்திற்கு அதிஷய் ஜெயின் மற்றும் ஷஷாங்க் சேஷகிரி ஒளிப்பதிவு செய்துள்ளனர். ஜீவன் கவுடா இசை அமைத்துள்ளார். காந்தாரா படத்துக்கு இணையான பாணியில், ஆக்ஷனும் அமானுஷ்யமும் கலந்த பரபரப்பான திரைப்படமாக இப்படம் உருவாகியுள்ளதாக இயக்குனர் கில்லி வெங்கடேஷ் கூறியுள்ளார்.