‘கேஜிஎப் 2’ படத்திற்குப் பிறகு யஷ் நடித்து வரும் கன்னடத் திரைப்படம் ‘டாக்சிக்’. இந்த படம் ஒரே நேரத்தில் கன்னடம் மற்றும் ஆங்கிலத்தில் படமாக்கப்பட்டு வருவதுடன், தமிழ், தெலுங்கு, ஹிந்தி, மலையாளம் ஆகிய மொழிகளில் டப்பிங் செய்து வெளியிடப்படவுள்ளது. இப்படம் 2026 மார்ச் 19ம் தேதி வெளியாகும் என தயாரிப்பு நிறுவனம் ஏற்கனவே அறிவித்திருந்தது.
ஆனால் பின்னர் இயக்குனர் கீது மோகன்தாஸ் மற்றும் யஷ் இடையே கருத்து வேறுபாடு ஏற்பட்டதாகவும், தற்போது யஷ் தானே இப்படத்தை இயக்கி வருவதாகவும் ஒரு சர்ச்சை பரவியது.
இதற்கு பதிலளித்த தயாரிப்பு நிறுவனமான கேவிஎன் புரொடக்ஷன்ஸ், “இன்னும் 140 நாட்களில் படம் வெளியாகும்,” என்று குறிப்பிட்டு, பரவி வந்த அனைத்து வதந்திகளுக்கும் முற்றுப்புள்ளி வைத்துள்ளது. குறிப்பிடத்தக்கது என்னவென்றால், இதே நிறுவனம் தற்போது விஜய் நடிக்கும் ‘ஜனநாயகன்’ படத்தையும் தயாரித்து வருகிறது.
