இயக்குனர் இளன் கதாநாயகனாக நடிக்கும் படத்தில் கதாநாயகியாக நடிக்கிறாரா சான்வி மேக்னா?

‘பியார் பிரேமா காதல்’ திரைப்படத்தின் மூலம் இயக்குநராக அறிமுகமானவர் இளன். இத்திரைப்படம் வெற்றி பெற்றதைத் தொடர்ந்து, அவர் ‘ஸ்டார்’ எனும் படத்தை இயக்கினார். ஆனால், அந்த படம் எதிர்பார்த்த அளவிற்கு வெற்றியைப் பெறவில்லை.

‘ஸ்டார்’ படத்திற்கு பின், இளன் கதாநாயகனாகவும் ஒரு புதிய திரைப்படத்தில் நடிக்கிறார். இத்திரைப்படத்தை ஏ.ஜி.எஸ் என்டர்டெயின்மென்ட் நிறுவனம் தயாரிக்கிறது என்ற தகவல் ஏற்கனவே வெளியாகி  இருந்தது.

தற்போது, இந்த புதிய படத்தின் முதற்கட்ட படப்பிடிப்பு ஆரம்பமாகி நடைபெற்று வருகிறது. இதில், ‘குடும்பஸ்தன்’ திரைப்படத்தின் நாயகியாக நடித்த சான்வி மேகனா, இளனுக்கு ஜோடியாக இணைந்து நடிக்கிறார் என்று கூறப்படுகிறது. மேலும், இந்த படத்திற்கு ‘பியார் பிரேமா கல்யாணம்’ என தலைப்பு வைத்திருப்பதாக தகவல்கள் தெரிவிக்கின்றன.