அயலான் இயக்குனருடன் கைக்கோர்கிறாரா நடிகர் சூரி?

மதிமாறன் புகழேந்தி இயக்கத்தில் சூரி நடித்து வரும் படம் மண்டாடி. இப்படத்திற்கு ஜி.வி. பிரகாஷ் குமார் இசையமைக்கிறார். தமிழ் மற்றும் தெலுங்கு ஆகிய இரு மொழிகளிலும் படம் உருவாகி வருகிறது.

இப்படத்தில் சூரி முத்துகாளி என்ற மீனவனாக நடித்துள்ளார். நாயகியாக மகிமா நம்பியார் நடித்துள்ளார். மேலும் சத்யராஜ், சாச்சனா, அச்யுத் குமார், ரவீந்தர் விஜய், சுகாஸ் உள்ளிட்ட பலர் நடித்துள்ளனர்.

இந்த படம் கடலில் நடைபெறும் படகு விளையாட்டு போட்டியை மையமாகக் கொண்டு உருவாகியுள்ளது. இப்படத்தைத் தொடர்ந்து, சூரி அடுத்ததாக இன்று நேற்று நாளை மற்றும் அயலான் படங்களின் இயக்குனரான ரவிக்குமார் இயக்கத்தில் நடிக்கவுள்ளதாக தகவல் வெளியாகியுள்ளது. இதனை ஏ.ஜி.எஸ். நிறுவனம் தயாரிக்கிறது என கூறப்படுகிறது.