நடிகர் சூர்யா நடித்த ‘அஞ்சான்’ திரைப்படம் 2014ஆம் ஆண்டு வெளியானது. இப்படத்தை இயக்குனர் லிங்குசாமி இயக்கி, திருப்பதி பிரதர்ஸ் நிறுவனம் தயாரித்தது. சமந்தா கதாநாயகியாக நடித்திருந்தார். மேலும் வித்யூத் ஜம்வால், சூரி, மனோஜ் பாஜ்பாய் உள்ளிட்ட பலரும் நடித்திருந்தனர். யுவன் சங்கர் ராஜா இசையமைத்த இப்படம் கமர்ஷியல் வகை படமாக வெளிவந்து ரசிகர்களிடையே நல்ல வரவேற்பைப் பெற்றது.
இப்போது, இப்படம் வெளியாகி 11 ஆண்டுகள் கடந்த நிலையில், திருப்பதி பிரதர்ஸ் நிறுவனம் ‘அஞ்சான்’ படத்தை மீண்டும் ரீ-ரிலீஸ் செய்யத் திட்டமிட்டுள்ளது.
இதற்காக படம் ரீ-எடிட் செய்யப்பட்டுள்ளது. ‘பாட்ஷா’, ‘வேட்டையாடு விளையாடு’, ‘கேப்டன் பிரபாகரன்’, ‘சச்சின்’, ‘வாரணம் ஆயிரம்’ போன்ற படங்கள் ரீ-ரிலீஸ் செய்யப்பட்டு ரசிகர்களின் பெரும் வரவேற்பைப் பெற்றதை தொடர்ந்து ‘அஞ்சான்’ படமும் விரைவில் திரையரங்குகளில் மீண்டும் வெளியாக உள்ளது.
