தமிழில் ‘பார்க்கிங்’, ‘லப்பர் பந்து’ போன்ற வெற்றிப் படங்களின் மூலம் தமிழ் திரையுலகில் முன்னணி நடிகர்களில் ஒருவராக திகழும் ஹரிஷ் கல்யாணின் அடுத்த படமான ‘டீசல்’ மீது ரசிகர்கள் மிகுந்த எதிர்பார்ப்புடன் உள்ளனர். இது ஹரிஷ் கல்யாணின் இதுவரையிலான கரியரில் மிக அதிக பட்ஜெட்டில் உருவான படமாகும்.
ஆக்ஷன் மற்றும் திரில்லர் வகை கதையாக உருவாகியுள்ள ‘டீசல்’ படத்தை சண்முகம் முத்துச்சாமி இயக்கியுள்ளார். இதில் ஹரிஷ் கல்யாணுடன் அதுல்யா ரவி, வினய், சாய் குமார், அனன்யா, கருணாஸ், விவேக் பிரசன்னா, சச்சின் கேதேகர், ஜாகீர் உசேன், தங்கதுரை, கேபி ஒய் தீனா உள்ளிட்ட பலரும் நடித்துள்ளனர்.
படத்திலிருந்து வெளியான “பீர் கானா” பாடல் ரசிகர்களிடையே நல்ல வரவேற்பைப் பெற்றது. இதனைத் தொடர்ந்து, ‘டீசல்’ படத்தின் ட்ரெய்லரும் வெளியிடப்பட்டுள்ளது. மேலும், தணிக்கை வாரியம் இப்படத்திற்கு ‘யு/ஏ’ சான்றிதழ் வழங்கியுள்ளது.
