தமிழ் சினிமாவின் முன்னணி நடிகர்களில் ஒருவரான ரவி மோகன், ‘ஜெயம்’ திரைப்படத்தின் மூலம் திரையுலகில் அறிமுகமானார். பின்னர் வித்தியாசமான கதைகளைத் தேர்ந்தெடுத்து தொடர்ந்து நடித்து வருகிறார். அவரின் நடிப்பில் வெளியான ‘பொன்னியின் செல்வன்’ படம் ரசிகர்கள் மத்தியில் மிகப்பெரிய வரவேற்பைப் பெற்றது.
தற்போது ரவி மோகன் நடிப்பில், ஐசரி கே. கணேசன் தயாரித்துள்ள ‘ஜீனி’ திரைப்படத்தை வேல்ஸ் பிலிம்ஸ் இன்டர்நேஷனல் சார்பில் அறிமுக இயக்குநர் புவனேஷ் அர்ஜுன் இயக்கியுள்ளார். இப்படத்தில் கீர்த்தி ஷெட்டி, கல்யாணி பிரியதர்ஷன், வாமிகா கேபி உள்ளிட்டோர் நடித்துள்ளனர்.
இந்த திரைப்படத்துக்கு ஏ. ஆர். ரகுமான் இசையமைத்துள்ளார். இப்படம் தமிழ், தெலுங்கு, மலையாளம், கன்னடம், இந்தி ஆகிய மொழிகளிலும் வெளியாக உள்ளது. படப்பிடிப்பு சென்னை மற்றும் வெளிநாடுகளில் நடைபெற்றது. இப்படம் அடுத்த ஆண்டு மார்ச் மாதம் வெளியாக உள்ளது. இந்நிலையில், ‘ஜீனி’ படத்தின் ‘அப்டி அப்டி’ வீடியோ பாடலை படக்குழு வெளியிட்டுள்ளது.
