கவின் நடித்துள்ள ‘மாஸ்க்’ படத்தின் கண்ணுமுழி பாடல் வெளியானது! #Mask

கவின் நடிப்பில் உருவாகியுள்ள மாஸ்க் திரைப்படத்தின் “கண்ணுமுழி” பாடல் வெளியிடப்பட்டுள்ளது.தமிழ் சினிமாவில் லிப்ட், டாடா, ஸ்டார் போன்ற படங்கள் மூலம் ரசிகர்களிடையே பிரபலமான , நடிகர் கவின், சமீபத்தில் வெளியான கிஸ் படத்தில் நடித்திருந்தார். அந்த படம் கலவையான விமர்சனங்களைப் பெற்றது. 

இதைத் தொடர்ந்து அறிமுக இயக்குனர் விக்ரனன் அசோக் இயக்கிய மாஸ்க் படத்தில் கவின் நடித்துள்ளார்.இந்த படத்தில் ஆண்ட்ரியா முக்கிய வேடத்தில், தெலுங்கு நடிகை ருஹானி ஷர்மா நாயகியாக நடித்துள்ளார். 

மேலும் சார்லி, பாலா சரவணன், விஜே அர்ச்சனா, சந்தோக் உள்ளிட்டோர் நடித்துள்ளனர். இப்படத்திற்கு ஜி.வி. பிரகாஷ் இசையமைத்துள்ளார். இந்நிலையில் இப்படத்தின் கண்ணுமுழி பாடலை தற்போது படக்குழு வெளியிட்டுள்ளது.