‘OG” பட இயக்குனருடன் கைக்கோர்த்த நடிகர் நானி… பூஜையுடன் தொடங்கிய படப்பிடிப்பு!

தெலுங்கு சினிமாவின் முன்னணி நடிகரான நானி, எப்போதும் வித்தியாசமான கதைகளில் நடிப்பதில் ஆர்வம் காட்டுபவர். இவரது நடிப்பில் வெளிவந்த ஷியாம் சிங்கா ராய், அடடே சுந்தரா, தசரா, ஹாய் நானா, சூர்யாவின் சனிக்கிழமை உள்ளிட்ட படங்கள் மிகுந்த வரவேற்பைப் பெற்றன.

தற்போது அவர் ஸ்ரீகாந்த் ஒடேலா இயக்கத்தில் தி பாரடைஸ் என்ற படத்தில் நடித்து வருகிறார். இந்த படம் 2026 மார்ச் 26-ஆம் தேதி திரையரங்குகளில் வெளியாக உள்ளது. இதில் நடிகர் மோகன்பாபுவும் முக்கிய கதாபாத்திரத்தில் நடித்துவருகிறார்.

இதனைத் தொடர்ந்து, நானி புதிய படத்தில் நடிக்க உள்ளார். அந்த புதிய படத்திற்கான பூஜை இன்று நடைபெற்றது. அந்த விழாவில் நடிகர் டகுபதி வெங்கடேஷ் கலந்து கொண்டார். சுஜீத் இயக்கும் இந்த புதிய படத்தின் பூஜை புகைப்படங்கள் தற்போது இணையத்தில் வைரலாகி வருகின்றன.