அறை எண் 305-ல் கடவுள் திரைப்படத்தில் ஜாவா சுந்தரேசனாகப் பலராலும் அறியப்பட்ட நகைச்சுவை நடிகர் இயற்பெயர் சுவாமிநாதன். திரைத்துறைக்காக தனது பெயரை சுருக்கி ‘சாம்ஸ்’ என மாற்றிக்கொண்ட இவர், அப்படத்தில் ஜாவா சுந்தரேசனாக ஒரு சிறு கதாபாத்திரத்தில் நடித்தபோதிலும், பலராலும் ரசிக்கப்பட்டவர் ஆக மாறினார். பின்னர் தொடர்ந்த பல படங்களில் நகைச்சுவை வேடங்களில் நடித்து, தமிழ் திரையுலகில் பிரபலமானார். ஜாவா சுந்தரேசன் கதாபாத்திரம் பெற்ற புகழ் எவ்வளவோ என்று பொருட்படுத்தும் போது, அதேபோல், ‘கருப்பசாமி குத்தகைதாரர்’ படத்தில் வடிவேலு காமெடியில் “நகைக்கடைகாரர் மகன்” என கூறிய வசனமும் மிகவும் பிரபலமானதாகும்.
இவர் தற்போது தனது பெயரை அடையாளமாக மாற்றி, ஜாவா சுந்தரேசன் என புதிய பெயரை எடுத்துள்ளார். அவர் வெளியிட்ட அறிக்கையில் குறிப்பிட்டதாவது: “சாம்ஸ் என்ற பெயரில் பல வருடங்களாக பல படங்களில் நடித்து வந்தேன். இயக்குனர் சிம்பு தேவன் இயக்கிய ‘அறை எண் 305ல் கடவுள்’ படத்தில் நான் நடித்த ஜாவா சுந்தரேசன் கதாபாத்திரம் மக்களிடம் மிகவும் புகழ் பெற்றது. இதனால் அந்த பெயர் மக்கள் மத்தியில் பிரபலமாகிவிட்டது.
எனவே மக்கள் விருப்பத்தையும் கருத்தில் கொண்டு எனது பெயரை ஜாவா சுந்தரேசன் என மாற்றிக்கொண்டேன். ஜாவா சுந்தரேசன் என்ற கேரக்டரை உருவாக்கிய இயக்குனர் சிம்பு தேவனிடம் முறையாக அனுமதி பெற்று, அவரின் வாழ்த்துக்களோடு இனி நான் ஜாவா சுந்தரேசன் ஆக என் திரைப்பயணத்தை தொடர்கிறேன். அனைவரும் வழக்கம்போல் உங்கள் அன்பையும் ஆதரவையும் தொடர்ந்து தந்து, இனி என்னை ஜாவா சுந்தரேசன் என்றே அழைக்குமாறு பணிவோடு கேட்டுக்கொள்கிறேன் என்றுள்ளார்.
