தாதா சாகேப் பால்கே விருது பெற்ற மோகன்லாலுக்கு பிரம்மாண்டமான பாராட்டு விழா நடத்தும் கேரள அரசு!

மலையாள சினிமாவின் முன்னணி நடிகர் மோகன்லாலுக்கு இந்திய சினிமாவின் உயரிய விருதான தாதாசாஹேப் விருது வழங்கப்பட்டது.இந்திய திரையுலகில் The Complete Actor என அழைக்கப்படும் மோகன்லால் மலையாளம், தமிழ், தெலுங்கு, இந்தி மற்றும் கன்னடம் ஆகிய மொழிகளில் 350-க்கும் மேற்பட்ட படங்களில் நடித்துள்ளார்.கடந்த 23 ஆம் தேதி டெல்லியில் நடந்த 71வது தேசிய திரைப்பட விருது வழங்கும் விழாவில் ஜனாதிபதி திரௌபதி முர்முவிடம் இருந்து மோகன்லால் இந்த விருதை பெற்றுக்கொண்டார். இந்நிலையில் ‘லால்-சலாம்’ என்ற தலைப்பில் அக்டோபர் 4 ம் தேதி மாலை 5 மணிக்கு கேரள அரசு சார்பில் பிரம்மாண்டமான பாராட்டு விழா நடைபெற உள்ளது என கேரள கலாச்சார துறை அமைச்சர் சாஜி செரியன் அறிவித்துள்ளார்.