தயாரிப்பாளர் மற்றும் இயக்குனராக அறிமுகமாகும் நடிகை வரலட்சுமி சரத்குமார்!

தமிழ், தெலுங்கில் பல படங்களில் நடித்து ரசிகர்களை கவர்ந்த வரலட்சுமி சரத்குமார், தற்போது தயாரிப்பாளராகவும் இயக்குனராகவும் அறிமுகமாகிறார்.

தனது சகோதரி பூஜா சரத்குமாருடன் சேர்ந்து ‘தோசா டைரீஸ்’ என்ற புதிய தயாரிப்பு பேனரை தொடங்கியுள்ளார். இவர்களது முதல் படத்திற்கு ‘சரஸ்வதி’ என்று பெயரிடப்பட்டுள்ளது. வரலட்சுமி இதை தயாரிப்பதோடு இயக்கியும், முக்கிய வேடத்திலும் நடிக்கிறார்.

திரில்லர் படமாக உருவாகும் ‘சரஸ்வதி’வில் பிரகாஷ் ராஜ், பிரியாமணி, நவீன் சந்திரா ஆகியோர் முக்கிய கதாபாத்திரங்களில் நடிக்கின்றனர். தமன் இசையமைக்கிறார். வரலட்சுமி சரத்குமாரின் இந்த முயற்சிக்கு ரசிகர்கள் வாழ்த்து தெரிவித்து வருகின்றனர்.