மோகன்லால் நடிக்கும் பான் இந்தியா படம் விருஷபாவை கன்னட இயக்குநர் நந்தா கிஷோர் எழுதி இயக்குகிறார். இதில் ரோஷன் மேகா, ஸ்ரீகாந்த் மேகா, ராகிணி திவேதி, நேகா சக்ஸேனா, சஹ்ரா எஸ் கான் உள்ளிட்டோர் நடித்துள்ளனர்.
ஏ.வி.எஸ் ஸ்டுடியோஸ், பர்ஸ்ட் ஸ்டெப் மூவிஸ், பாலாஜி டெலிபிலிம்ஸ், கனெக்ட் மீடியா ஆகிய நிறுவனங்கள் இணைந்து தயாரித்துள்ளன. தமிழில் லொடுக்கு பாண்டி, ஒரு மெல்லிய கோடு, வன்முறை போன்ற படங்களில் நடித்த நேகா சக்ஸேனாவும் இதில் முக்கிய வேடத்தில் நடித்துள்ளார்.
காதல் மற்றும் பழிக்கு பழி வாங்கும் உணர்வு ஆகிய இரு எதிர்மறை உணர்வுகளுக்கிடையேயான மோதலை மையமாகக் கொண்ட இப்படம், பிரம்மாண்டமான ஆக்ஷன் என்டர்டெய்னராகவும், அப்பா-மகன் உறவை மையப்படுத்தியும் உருவாகி வருகிறது. சாம் சி.எஸ் இசையமைத்துள்ள நிலையில், மோகன்லால் டப்பிங் பணிகளை முடித்துவிட்டார். தற்போது படத்தின் டீசர் வெளியிடப்பட்டு கவனத்தை ஈர்த்து வருகிறது.
