தமிழில் சூதுகவ்வும் மூலம் அறிமுகமாகி வித்தியாசமான கதைகளைத் தேர்வு செய்து நடித்து வரும் அசோக் செல்வன், தெகிடி, கூட்டத்தில் ஒருத்தன், நித்தம் ஒரு வானம், சில நேரங்களில் சில மனிதர்கள், ஹாஸ்டல், மன்மத லீலை போன்ற படங்களில் தனது நடிப்பால் கவனம் பெற்றார்.
சமீபத்தில் வெளிவந்த தக் லைப் படத்தில் நடித்த அவர், தற்போது சதீஷ் செல்வகுமார் இயக்கத்தில் 18 மைல்ஸ் என்ற படத்தில் நடித்துள்ளார். இதில் அவருக்கு ஜோடியாக மிர்னா நடித்துள்ளார்.18 மைல்ஸ் என்பது வாழ்க்கையின் எல்லைகள், கடலின் அமைதி, சொல்லப்படாத உணர்வுகளைப் பேசும் காதல் கதையாகும். இதன் கிளிம்ப்ஸ் வீடியோவை சமீபத்தில் வெளியிட்டனர்.
இந்த நிலையில், 18 மைல்ஸ் படக்குழுவினர் இயக்குநர் மணிரத்னத்தை சந்தித்த நிலையில் மணிரத்னம் படத்தையும் படக்குழுவினரையும் பாராட்டியுள்ளார். இப்படத்தின் வெளியீட்டு தேதி விரைவில் வெளியாகும் என எதிர்பார்க்கப்படுகிறது.
