யு/ஏ சான்றிதழ் பெற்ற நடிகை காயத்ரி நடித்துள்ள ‘காயல்’ திரைப்படம்!

தமிழ் சினிமாவில் ‘18 வயசு’ படத்தின் மூலம் அறிமுகமானவர் நடிகை காயத்ரி ஷங்கர். அதன் பின்னர் ‘நடுவுல கொஞ்சம் பக்கத்த காணோம்’, ‘ரம்மி’ உள்ளிட்ட பல திரைப்படங்களில் நாயகியாக நடித்தார். சமீபத்தில் அவர் நடித்த ‘மாமனிதன்’, ‘விக்ரம்’, ‘மேரி கிறிஸ்துமஸ்’, ‘பேச்சி’ ஆகிய படங்கள் மூலம் ரசிகர்களின் கவனத்தை ஈர்த்தார். தற்போது, லிங்கேஷுடன் இணைந்து ‘காயல்’ என்ற படத்தில் நடித்துள்ளார்.

ஜே ஸ்டூடியோஸ் தயாரித்துள்ள இந்த திரைப்படத்தை தமயந்தி எழுதி இயக்கியுள்ளார். இதில் லிங்கேஷுடன் சேர்ந்து அனுமோல், ரமேஷ் திலக், ஸ்வாகத கிருஷ்ணன், ஐசக் வர்கீஸ் உள்ளிட்டோரும் நடித்துள்ளனர்.

இப்படம் வருகிற செப்டம்பர் 12 ஆம் தேதி வெளியாக உள்ளது. இதற்கிடையில், காயல் திரைப்படத்திற்கு தணிக்கை குழு ‘யு/ஏ’ சான்றிதழ் வழங்கியுள்ளது.