அதிதி ஷங்கர் நடிக்கும் புதிய படத்தை இயக்குகிறாரா இயக்குனர் அறிவழகன்?

பிரபல இயக்குநர் ஷங்கரின் மகளும் நடிகையுமான அதிதி ஷங்கர் இதுவரை விருமன், மாவீரன், நேசிப்பாயா, பைரவம் போன்ற படங்களில் கதாநாயகியாக நடித்து மக்களின் கவனத்தை ஈர்த்துள்ளார். இந்த நிலையில், முழுக்க முழுக்க பெண் முதன்மை கதாபாத்திரம் கொண்ட ஒரு படத்தில் அதிதி ஷங்கர் நடிக்கவிருக்கிறார் என்று கூறப்படுகிறது.

இந்தப்படத்தை ஈரம், குற்றம் 23 , சப்தம் போன்ற த்ரில்லர் படங்களை இயக்கி புகழ்பெற்ற அறிவழகன் இயக்குகிறார் என்ற தகவல் வெளியாகியுள்ளது. அவர் முன்பு ஷங்கரிடம் உதவி இயக்குநராக பணியாற்றியவர் என்பதும் குறிப்பிடத்தக்கது.

மேலும், இப்படத்தை தடம், குற்றம் 23 போன்ற படங்களை தயாரித்த ரீ தன் நிறுவனத்தின் இந்தர் குமார் தயாரிக்கிறார். விரைவில் இதுகுறித்த அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.