சபரீஷ் நந்தா இயக்கத்தில் வசந்த் ரவி நடித்துள்ள இந்திரா திரைப்படம் நாளை திரையரங்குகளில் வெளியாகிறது. இதில், ஒரு கண் பார்வையற்ற போலீஸ் இன்ஸ்பெக்டர் தொடர் கொலைகாரனை எவ்வாறு பிடிக்கிறார் என்பதே கதை எனப்படுகிறது. அந்த கொலைகாரன் பாத்திரத்தில் தெலுங்கு நடிகர் சுனில் நடித்துள்ளார்.
ஆனால் படக்குழுவின் வலியுறுத்தல் வேறுபட்டது. “இது மட்டும் கதையல்ல. திரில்லர் படம் என்பதால் ஹீரோ, வில்லன் கதாபாத்திரங்களில் பல சஸ்பென்ஸ் அம்சங்கள் உள்ளன. அதற்கு மேலாக சில முக்கியமான கதாபாத்திரங்களும் இருக்கலாம். ஆகவே படம் பார்த்த பிறகு யாரும் சஸ்பென்ஸ் அம்சங்களை வெளியில் சொல்ல வேண்டாம். விமர்சனங்களிலும் கூட அவற்றை வெளிப்படுத்த வேண்டாம்” என்று கூறியுள்ளனர்.
அதேபோல், ஹீரோயினாக நடித்த மெஹ்ரீனும், “என் கதாபாத்திரம் பற்றியும் முழுமையாகப் பேச முடியாது. ஏனெனில் அதற்குள் முக்கியமான சஸ்பென்ஸ் அம்சங்கள் ஒளிந்துள்ளன” என தெரிவித்துள்ளார்.
