சூர்யா 46 படத்தில் நடிக்கிறாரா பிரபல நடிகர் அனில் கபூர்?

நடிகர் சூர்யா, இயக்குநர் வெங்கி அட்லூரியின் இயக்கத்தில் தனது 46வது படத்தில் நடித்து வருகிறார். இந்த படத்தை சித்தாரா எண்டர்டெயின்மெண்ட் நிறுவனம் தயாரிக்கிறது. இசையமைப்பாளர் ஜி.வி. பிரகாஷ் இப்படத்துக்கு இசையமைக்கிறார்.

இதில் கதாநாயகியாக மமிதா பைஜூ நடிக்கிறார். மேலும் ரவீணா டான்டன், ராதிகா சரத்குமார் ஆகியோர் முக்கிய கதாபாத்திரங்களில் நடிக்கின்றனர். 

மேலும் இப்படத்திற்கு விஸ்வநாதன் அண்ட் சன்ஸ் என்ற தலைப்பை வைக்க படக்குழு திட்டமிட்டுள்ளதாக தகவல்கள் வெளியாகியுள்ளன., இந்த படத்தின் பிளாஷ்பேக் காட்சியில் பிரபல பாலிவுட் நடிகர் அனில் கபூர் நடிக்கவுள்ளதாக தகவல்கள் தெரிவிக்கின்றன.