தன் மகன் ஆர்யன் கான் இயக்கும் படம் குறித்த சூப்பர் அப்டேட்-ஐ கொடுத்த கிங் ஷாருக்கான்!

பாலிவுட்டின் சூப்பர் ஸ்டார் ஷாருக்கான் மகன் ஆர்யன் கான், தந்தையைப் போல நடிகராக அறிமுகமாவார் என எதிர்பார்த்த நிலையில் இயக்குநராகவே தனது பயணத்தை தொடங்கியுள்ளார். அவர் தற்போது ‘தி பேட்ஸ் ஆஃப் பாலிவுட்’ என்ற படத்தை இயக்கி வருகிறார்.

இப்படத்தின் படப்பிடிப்பு கிட்டத்தட்ட நிறைவடைந்துவிட்டதாக தகவல்கள் வெளியாகியுள்ளன. சமீபத்தில், எக்ஸ் பக்கத்தில் ரசிகர்களுடன் உரையாடியபோது, ஆர்யன் கான் இயக்கும் படம் குறித்த கேள்வி ஷாருக்கானிடம் எழுப்பப்பட்டது.

அதற்கு பதிலளித்த அவர், படம் மிகவும் நன்றாக வந்துள்ளது. நீங்கள் பார்த்தபின் தீர்மானியுங்கள். ஆனால் இது பொழுதுபோக்காகவும், உணர்ச்சிப்பூர்வமாகவும் உருவாகி இருக்கிறது. இது என்னுடைய நேர்மையான விமர்சனம்” என தெரிவித்துள்ளார்.