டோலிவுட்டில் முன்னணி நடிகராக வலம் வருபவர் நானி. வித்தியாசமான கதைகளை தேர்ந்தெடுத்து நடித்து வரும் நானி நடிப்பில் வெளிவந்த ‘ஷியாம் சிங்கா ராய்’, ‘அடடே சுந்தரா’ திரைப்படங்கள் பெரிய வெற்றிப் பெற்றன. அதேசமயம் ‘தசரா’ மற்றும் ஹிட் 3 திரைப்படங்கள் கலவையான விமர்சனங்களை பெற்றது.
தற்போது ‘தசரா’ படத்தை இயக்கிய இயக்குனர் ஸ்ரீகாந்த் ஒடேலா இயக்கத்தில் ‘தி பாரடைஸ்’ படத்தில் நடித்துவருகிறார் நானி. இதன் படப்பிடிப்பு ஹைதராபாத்தில் மும்முரமாக நடைபெற்று வருகிறது. தற்போது பிரம்மாண்ட சண்டைக்காட்சி ஒன்றை படமாக்கப்பட்டு வருவதாக தகவல்கள் தெரிவிக்கின்றன.
தற்போது இப்படத்தில் முக்கிய கதாபாத்திரத்தில் மோகன்பாபு நடிக்கிறார் என்ற தகவல் வெளியாகியுள்ளது. இப்படத்தில் நானி, மோகன் பாபு, பாபு மோகன், ராகவ் ஜூயல் உள்ளிட்ட பலர் ‘தி பாரடைஸ்’ படத்தில் நடித்து வரும் நிலையில் இப்படத்தின் மீது நாளுக்கு நாள் எதிர்பார்ப்பு அதிகரித்துள்ளது. ‘அமரன்’ படத்தில் ஒளிப்பதிவாளராக பணிபுரிந்த சாய் ஒளிப்பதிவாளராகவும், இசையமைப்பாளராக அனிருத் பணியாற்றுகிறார்.
