வடிவேலு மற்றும் பகத் பாசில் இணைந்து நடித்த ‘மாமன்னன்’ திரைப்படம் கடந்த 2023ஆம் ஆண்டு வெளியானபோது மிகப்பெரிய வெற்றியை பெற்றது. அந்த வெற்றியின் தொடர்ச்சியாக, இவர்கள் இருவரும் மீண்டும் ஒன்றிணைந்து நடித்துள்ள படம் ‘மாரீசன்’. இந்த திரைப்படம் ஆர்பி சவுத்ரியின் ‘சூப்பர் குட் பிலிம்ஸ்’ நிறுவனத்தின் 98-வது தயாரிப்பாக உருவாகியுள்ளது. இந்த படத்தை மலையாள இயக்குநரான சுதீஷ் சங்கர் இயக்கியுள்ளார்.
இப்படத்திற்கு யுவன் சங்கர் ராஜா இசையமைத்துள்ளார். மேலும், விவேக் பிரசன்னா, ரேணுகா, சித்தாரா உள்ளிட்ட பலர் முக்கிய கதாபாத்திரங்களில் நடித்துள்ளனர். வி. கிருஷ்ணமூர்த்தி இப்படத்தின் கதை, திரைக்கதை மற்றும் வசனங்களை எழுதி, கிரியேட்டிவ் இயக்குநராகவும் பணியாற்றியுள்ளார். ஒளிப்பதிவை கலைசெல்வன் சிவாஜி மேற்கொண்டுள்ளார். ‘மாரீசன்’ திரைப்படம் வரும் ஜூலை 25ஆம் தேதி திரையரங்குகளில் வெளியிடப்படுகிறது.
இந்தப் படத்தின் முதல் பாடல் சமீபத்தில் வெளியாகி நல்ல வரவேற்பைப் பெற்றது. அந்த வெற்றியின் பின்னர், தற்போது ‘மாரீசன்’ படத்தின் டிரெய்லர் வெளியாகியுள்ளது. இந்த டிரெய்லர் ரசிகர்களிடையே பெரும் வரவேற்பை பெற்றுவருகிறது.
