இயக்குனர் செல்லா அய்யாவு இயக்கத்தில் 2022 ஆம் ஆண்டு வெளியான ‘கட்டா குஸ்தி’ திரைப்படம் பெரும் வரவேற்பைப் பெற்றது. இந்தப் படத்தில் குஸ்தி வீராங்கனையாக நடித்த ஐஸ்வர்யா லட்சுமியின் நடிப்பு பாராட்டுகளைக் பெற்றது. பெண்கள் மட்டுமன்றி, பத்திரிகை மற்றும் சமூக வட்டாரங்களில் அவர் நடிப்பை புகழ்ந்தனர். இதனையடுத்து, ஹீரோவாக நடித்த விஷ்ணு விஷால் இந்தப் படத்தை தயாரித்திருந்ததால், அதன் இரண்டாம் பாகம் எப்போது வரும் என ரசிகர்கள் எதிர்பார்த்து வந்தனர். ‘கட்டா குஸ்தி 2’ உருவாகும் என்ற அறிவிப்பும் வெளியானது.
இந்நிலையில், தற்போது விஷ்ணு விஷால் பல படங்களில் நடித்து வருவதால், அவை முடிந்த பின்பே ‘கட்டா குஸ்தி 2’ படத்துக்கு செல்ல முடியும். அதனால், இந்தப் படம் திரைக்கு வர அதிகம் காலம் எடுத்துக் கொள்ளும் என கூறப்படுகிறது. இப்படத்தை இயக்குபவர் முந்தைய படத்தை இயக்கியவரே என்றாலும், ஹீரோயினாக ஐஸ்வர்யா லட்சுமி தொடரவா? அல்லது புதிய ஹீரோயின் வருவாரா? என்பது பற்றிய சந்தேகம் ரசிகர்களிடையே உருவாகியுள்ளது.
பொதுவாக, ஒரு திரைப்படத்தின் முதல் பாகத்தில் நடித்தவர்களே இரண்டாம் பாகத்திலும் தொடருவது வழக்கமாக இருக்கிறது. ஆனால், ‘சாமி 2’ திரைப்படத்தில் திரிஷாவுக்கு பதிலாக ஐஸ்வர்யா ராஜேஷ் நடித்ததுபோல் சில இரண்டாம் பாக படங்களில் ஹீரோயினி மாறியும் நடித்துள்ளார்கள். எனினும், ‘கட்டா குஸ்தி’ படத்தின் இரண்டாம் பாகத்தில் அந்த மாதிரியான மாற்றம் வர வாய்ப்பு குறைவாகவே உள்ளது எனக் கூறப்படுகிறது.
