திண்டுக்கல் மாவட்டத்தில் அமைந்துள்ள ஒரு மலை கிராமம் மதமாற்றத்தினால் மூன்று பிரிவுகளாக பிளந்து கிடக்கிறது. இங்கு கிறிஸ்தவர்கள் வசிக்கும் பகுதிக்கும், இந்துக்கள் வசிக்கும் பகுதிக்கும் இடையே அடிக்கடி மோதல்கள் ஏற்படுகின்றன. இப்படியான சூழ்நிலையில், இந்த இரண்டு கிராமங்களை சேர்ந்த இரு இளைஞர்களை விமல் மற்றும் சாயாதேவி கொலை செய்யும் நிகழ்வும், மேலும் சிலரை கொலை செய்ய முயற்சிப்பதும் நடைபெறுகிறது.
இந்த கொலை வழக்கை விசாரிக்கும் போலீஸ் அதிகாரியான இசக்கி கார்வண்ணன், குற்றவாளியை கண்டுபிடிக்க முடியாமல் நெருக்கடியில் சிக்கிக்கொள்கிறார். இதற்கிடையே கிராமங்களுக்கிடையிலான மோதலும் தொடர்கிறது. விமலும், சாயாதேவியும் இந்த கொலைகளை எதற்காக செய்கிறார்கள்? கொல்லப்பட்டவர்களுக்கும் இவர்களுக்கும் என்ன தொடர்பு? என்ன பகை? என்பதுதான் படத்தின் மீதமுள்ள கதையாகும்.
சில மதங்கள் பணம் கொடுத்து மக்களை தங்கள் மதத்தில் இழுக்கின்றன என்பதை இயக்குநர் இசக்கி கார்வண்ணன் இந்தக் கதையின் ஊடாக எடுத்துக் கூறியிருக்கிறார். அத்துடன், அந்த வகையில் மதம் மாறியவர்கள், பெயரளவில் மட்டுமே மதம் மாற்றியதாகவும், மனதளவில் மதம் மாறவில்லை என்பதையும் வலியுறுத்துகிறார்.
இந்தப் படம் ஹாரர் வகையில் உருவாகியுள்ளது என்பதையும் உணர முடியாத அளவிற்கு, விமல் தனது மிக இயல்பான நடிப்பில் ஒவ்வொரு காட்சியிலும் சிறப்பாக நடித்துள்ளார். அவருடன் இணைந்து நடித்த சாயாதேவியும், கதையின் தீவிரத்தையும் தக்கவைத்துள்ளார். கிறிஸ்தவ தேவாலய பாதராக நடித்துள்ள எம். எஸ். பாஸ்கர் நெல்லை மாந்தர் பாணியில் பேசுவதன் மூலம் ரசிகர்களை கவர்ந்துள்ளார்.
போலீஸ் இன்ஸ்பெக்டராக நடித்துள்ள இயக்குநர் இசக்கி கார்வண்ணன், தனது நடிப்பில் இன்னும் சிறிதளவு கவனம் செலுத்தியிருக்கலாம். வில்லனாக அறிமுகமாகிய ஒளிப்பதிவாளர் எம். சுகுமார், தனது எதார்த்தமான நடிப்பினால் பாராட்டத்தக்க வகையில் பங்களித்துள்ளார். அவர்களுடன் கூடிய கூல் சுரேஷ், மனோஜ்குமார், ஆதிரா, சேஷ்விதா, ஸ்ரீரஞ்சனி, வி. ஆர். விமல்ராஜ், மகேந்திரன், காதல் சுகுமார், ஆறு பாலா, வீரசமர், களவாணி கலை ஆகியோர் தங்களுக்கான வேடங்களில் குறைவில்லாமல் செயற்பட்டுள்ளனர்.
