விமல் நடிப்பில் அவரது 34வது திரைப்படமாக உருவாகியுள்ள திரைப்படம் “பரமசிவன் பாத்திமா”. இப்படத்தை இயக்கியுள்ளவர் இசக்கி கர்வண்னன், இவர் இதற்கு முன் “குடிமகன்”, “பெட்டிக்கடை” மற்றும் “பகிரி” போன்ற படங்களை இயக்கியுள்ளார்.
இந்த திரைப்படம் ஒரு மலைக்கிராமத்தில் நடைபெறும், இரண்டு வேறு மதத்தினருக்கு இடையே எழும் பிரச்சனைகளை மையமாகக் கொண்டு உருவாக்கப்பட்டுள்ளது. இதில், வெவ்வேறு மதங்களை சேர்ந்த விமல் மற்றும் சாயாதேவி காதலிக்கிறார்கள். அவர்கள் காதலால் ஏற்படும் சிக்கல்கள் மற்றும் சமூக எதிர்ப்புகள் குறித்தே கதை அமைந்துள்ளது. சமீபத்தில் வெளியான இப்படத்தின் டிரெய்லர் மக்கள் மத்தியில் நல்ல வரவேற்பை பெற்றது.
இந்த படத்தில் விமலுடன் ஜோடியாக சாயாதேவி நடித்துள்ளார். அவர்களுடன் எம். எஸ். பாஸ்கர், ஸ்ரீ ரஞ்சனி, அதிரா, அருள்தாஸ், கூல் சுரேஷ், காதல் சுகுமார் உள்ளிட்ட பலரும் முக்கிய கதாபாத்திரங்களில் நடித்துள்ளனர். இசையமைப்பாளர் தீபன் சக்கரவர்த்தி இப்படத்திற்கு இசையமைத்துள்ளார். இப்படத்தின் முதல் பாடலான “நான் மல்லி” என்ற பாடல் நாளை மாலை 5 மணிக்கு வெளியாகும் என்று படக்குழு அறிவித்து, அதற்கான போஸ்டரையும் வெளியிட்டுள்ளது.
