தமிழில் அயோத்தி’, ‘கருடன்’, ‘நந்தன்’ போன்ற வெற்றிப்படங்களை தொடர்ந்து, நடிகர் சசிகுமார் தற்போது நடித்துள்ள புதிய திரைப்படம் ‘டூரிஸ்ட் பேமிலி’. ‘குட் நைட்’, ‘லவ்வர்’ படங்களை தயாரித்த மில்லியன் டாலர் ஸ்டுடியோஸ் இந்தப் படத்தை உருவாக்கியுள்ளது. அபிஷன் ஜீவிந்த் இயக்கிய இந்த திரைப்படத்தில் சிம்ரன் கதாநாயகியாக நடித்துள்ளார்.
மேலும், யோகிபாபு, எம். எஸ். பாஸ்கர், மிதுன் ஜெய்சங்கர், கமலேஷ் உள்ளிட்ட பலரும் முக்கிய கதாபாத்திரங்களில் நடித்துள்ளனர்.கடந்த மே 1ஆம் தேதி வெளியான இப்படம், மக்கள் மத்தியில் நல்ல வரவேற்பை பெற்றுள்ளது. இலங்கையில் வசிக்கும் தமிழராக இருக்கும் சசிகுமாரின் குடும்பம், அங்குள்ள பொருளாதார சிக்கல்களால் இந்தியாவிலுள்ள தமிழகத்திற்கு சட்டவிரோதமாக நுழைகின்றனர்.
அதன் பிறகு அவர்கள் எதிர்கொளும் வாழ்க்கை அனுபவங்களை நகைச்சுவையும், உணர்ச்சியுடனும் சேர்த்து படம் பதிவு செய்கிறது.இந்நிலையில், இப்படம் தமிழகத்தில் பெற்ற வசூல் விவரங்கள் வெளியாகியுள்ளன. அதன்படி, இப்படம் தமிழகத்தில் மட்டும் ரூ.20 கோடி வசூல் செய்துள்ளதாக தகவல்கள் தெரிவிக்கின்றன.
