தமிழ் சினிமாவில் ஆரம்பத்தில் நகைச்சுவை கதாபாத்திரங்களில் மட்டுமே நடித்த நடிகர் சூரி, பின்னர் ‘விடுதலை பாகம் 1’, ‘கருடன்’, ‘கொட்டுக்காளி’ போன்ற படங்களில் கதாநாயகனாக நடித்துள்ளார். தற்போது ‘விலங்கு’ எனும் வெப் தொடர் மூலம் புகழ்பெற்ற பிரசாந்த் பாண்டிராஜ் இயக்கத்தில் ‘மாமன்’ என்ற படத்தில் நடித்துள்ளார். இதில் ஐஸ்வர்யா லட்சுமி கதாநாயகியாக நடித்துள்ளார். இந்த திரைப்படம் வரும் 16ம் தேதி திரைக்கு வர உள்ளது.
இதைத் தொடர்ந்து, சூரி தனது அடுத்த படத்தில் மதிமாறன் புகழேந்தி இயக்கத்தில் நடிக்கவுள்ளார். இந்த படத்தை எல்ரட் குமாரின் ஆர்.எஸ். இன்போ நிறுவனம் தயாரிக்க உள்ளது. இப்படத்திற்கு ‘மண்டாடி’ என தலைப்பு வைக்கப்பட்டுள்ளது. மகிமா நம்பியார் கதாநாயகியாக நடிக்க, ஜி.வி.பிரகாஷ் இசையமைக்கிறார்.
சமீபத்தில் இப்படத்தின் போஸ்டர்கள் வெளியாகி வைரலானது. இப்படம் தெலுங்கிலும் இதே பெயரில் வெளியிடப்பட உள்ளது. தெலுங்கு சினிமாவின் முன்னணி நடிகர் சுஹாஸ் இப்படத்தில் முக்கியமான கதாபாத்திரத்தில் நடிக்கிறார். இதில் தமிழில் ஹீரோவாக நடித்திருக்கும் சூரி, தெலுங்கில் வில்லனாக நடித்துள்ளதாக கூறப்படுகிறது.
