சிவகங்கை மாவட்டம் கீழடியில் நடைபெற்று கொண்டிருக்கும் அகழ்வாய்வுப் பணிகளில் உருளை வடிவமான பானைகள், உலைகள், கால்நடை எலும்புகள், இரும்பினால் உருவாக்கப்பட்ட பொருட்கள் மற்றும் விலைமிக்க கற்களால் செய்யப்பட்ட மணிகள் உள்ளிட்ட பல்வேறு பழமையான தொன்மை பொருட்கள் கண்டெடுக்கப்பட்டுள்ளன.
இந்தப் பொருட்கள் கீழடி அருங்காட்சியகத்தில் கண்காட்சிக்கு வைக்கப்பட்டுள்ளன. தினமும் நூற்றுக்கணக்கான சுற்றுலா பயணிகள் இந்த அருங்காட்சியகத்தை வருகை தந்து பார்வையிட்டு வருகின்றனர்.
இந்தநிலையில், தமிழ் திரைப்படத் துறையின் முன்னணி நடிகர்களில் ஒருவரான சிவகார்த்திகேயன் இன்று தனது குடும்பத்தினருடன் கீழடி அருங்காட்சியகத்துக்கு சென்றார். மனைவியுடன் மற்றும் மகளுடன் அருங்காட்சியகத்தை பார்வையிட்ட சிவகார்த்திகேயன் அங்கு காட்சிக்கு வைக்கப்பட்டுள்ள பழங்கால தொன்மை பொருட்களை ஆர்வமுடன் பார்த்து ரசித்தார்.
