2020-ஆம் ஆண்டு வெளியான ‘ஓ மை கடவுளே’ படத்தை இயக்கியவர் இயக்குநர் அஸ்வத் மாரிமுத்து. இவர் சமீபத்தில் இயக்கிய ‘டிராகன்’ படமும் வெளியாகியுள்ளது. இந்த படத்தில் பிரதீப் ரங்கநாதன், கயாடு லோஹர் மற்றும் அனுபமா பரமேஸ்வரன் ஆகியோர் முக்கிய கதாபாத்திரங்களில் நடித்திருந்தனர். இந்த படம் ரசிகர்களிடையே நல்ல வரவேற்பைப் பெற்றது.
இந்த வெற்றியை தொடர்ந்து இயக்குநர் அஸ்வத் மாரிமுத்து தற்போது சிம்புவின் ‘எஸ்.டி.ஆர் 51’ படத்தை இயக்க உள்ளார். இதில் கதாநாயகியாக கயாடு லோஹர் நடிக்க உள்ளார். இந்த படத்தை ஏஜிஎஸ் நிறுவனம் தயாரிக்க இருக்கிறது, மேலும் தற்போது இந்தப் படத்திற்கு தற்காலிகமாக ‘காட் ஆப் லவ்’ என பெயரிடப்பட்டுள்ளது.
இந்நிலையில், இயக்குநர் அஸ்வத் மாரிமுத்து, கமல்ஹாசனின் ராஜ்கமல் பிலிம்ஸ் நிறுவனத்தை அணுகி ஒரு கதையை சொல்லியுள்ளார் என்ற தகவல் வெளியாகியுள்ளது. இந்த கதையில் கமல்ஹாசன் நடிப்பாரா அல்லது வேறு நடிகரை கதாநாயகனாக வைத்து கமல்ஹாசன் தயாரிப்பாரா என்ற தகவல் இன்னும் உறுதி செய்யப்படவில்லை.
