இட்லி கடை படப்பிடிப்பு நிறைவு… வெளியான அதிகாரபூர்வ அறிவிப்பு!

நடிகர் தனுஷ் தற்போது ‘இட்லி கடை’ என்ற படத்தில் இயக்குனராகவும், கதாநாயகனாகவும் பணியாற்றி வருகிறார். இந்த திரைப்படத்தை ‘டான் பிக்சர்ஸ்’, ‘வுண்டர்பார் பிலிம்ஸ்’, ‘ரெட் ஜெயண்ட் மூவிஸ்’ ஆகிய நிறுவனங்கள் இணைந்து தயாரிக்கின்றன. இப்படத்திற்கு இசை அமைப்பதை ஜி.வி.பிரகாஷ் குமாரும் செய்துவருகிறார்.

இந்த படத்தில் ராஜ் கிரண், சத்யராஜ், பார்த்திபன், அருண் விஜய், நித்யா மேனன், ஷாலினி பாண்டே உள்ளிட்ட பலரும் முக்கிய கதாபாத்திரங்களில் இணைந்து நடித்துள்ளனர். ‘இட்லி கடை’ திரைப்படம் இவ்வருடம் அக்டோபர் 1ம் தேதி திரைக்கு வரவிருக்கிறது.

கடந்த சில நாட்களாக இந்த படத்தின் இறுதி கட்ட படப்பிடிப்பு பாங்காக்கில் நடைபெற்று வந்தது. தற்போது, படத்தின் இறுதி கட்ட படப்பிடிப்பு முழுமையாக முடிவடைந்துவிட்டதாக படக்குழுவினர் அதிகாரப்பூர்வமாக அறிவித்துள்ளனர்.